第一艱苦是掠大緄

同義詞彙｜討海褒歌
-
原創作者就是「猴偏伯」，他以12項辛苦的差事切入，來生動描述漁民作業的勞苦心聲。由中社葉成仁記誦提供。
-
第一艱苦是掠大緄，第二艱苦是紡飛輪，第三艱苦是車無順，第四艱苦咧暈船。第五艱苦是共煮飯，煮甲三鼎兩個湯，若是歹食是人愛抨，這款的食是無久長。第六艱苦結招旗，一日結著是共百枝，父母生囝無寫時，較慘掠囝來填無平。第七艱苦咧擋倘，擋甲手底足大空，若無出力是人愛送，父母生咱無采工。第八艱苦咧冰魚，冰甲一身一命是黏涕涕，身軀魚血糊甲是紅吱吱，這款會呷無了時。第九艱苦咧掘冰，掘甲一身一命冷吱吱，身軀衫褲又濕啾啾，裡面的肉擱是冷吱吱。第十艱苦咧洗船，大家洗嘎擱亂紛紛。十一艱苦大家呷飯，呷呷再去休息。十二艱苦是船長，吩咐夥計駛過洋。
-
（葉成仁提供）
-
資訊引用｜《望安鄉志》
修正建議回報